´Ný síða

Jæja fyrst þessi síða er í svona rugli ætla ég að skipta aftur í blog.central www.blog.central.is/sara1012

Ein heima að láta mér leiðast......

Hellú hellú

Þá er komin helgi og ég sit hérna ein heima á Dósinni, á að vera að læra en nenni bara ekki neinu!

Örn fór út á sjó í gær á Grunó og ég veit barasta ekki alveg hvenær hann kemur aftur... Bara vonandi sem fyrst veit ekki alveg hvað ég á að gera af mér á meðan hann er í burtu....

Í gær var náttfatadagur í vinnunni. Þá mættu öll börnin í náttfötum og auðvitað við starfsfólkið líka! Svo var haldið náttfataball og allir fengu popp og djús "Mjög cosy að fá að mæta í náttfötum í vinnuna"

Þegar ég vaknaði um morguninn var allt fullt af snjó úti svo ég ákvað að taka náttfötin bara með og klæða mig í þau niðri í vinnu í staðinn fyrir að fara í þeim út í kuldann. Sem betur fer tók ég þessa ákvörðun því gáfaða ég stökk út, opnaði bílinn og geymdi hurðina opna á meðan ég startaði bílnum og ætlaði svo að fara út að skafa. En bíllinn minn er svo sniðugur að vera með regnskinjara (þá fara rúðuþurrkurnar í gang um leið og það byrjar að rigna) svo auðvitað fóru rúðuþurrkurnar í gang og ýttu snjóskaflinum sem var kominn á framrúðuna beint inn í bíl, yfir mig og yfir sætið og allt!!!

Gærdagurinn fór svo bara í það að slappa af... Ég nennti ALLS EKKI NEINU svo ég var bara heima og fór bara snemma að sofa.....

Dagurinn í dag er svo ekkert búinn að vera mikið skárri... Ég er búin að vera að læra eitthvað og svo bara heima að láta mér leiðast!

En Hulda Birna á afmæli í dag Til hamingju með daginn sæta mín!

En núna ætla ég að halda áfram að reyna að vera dugleg að læra... Þýðir víst ekkert annað!

Brjálað að gera....

Halló Halló

Það er búið að vera endalaust mikið að gera hjá mér í þessari viku, vinna á fullu, fara á fund, fara í nudd og læra FULLT FULLT FULLT...

Dagurinn í dag er búinn að vera ótrúlega nice eitthvað.... Það var ekki alveg jafn mikið að gera hjá mér í dag því það er vetrarfrí hjá grunnskólanum hérna og þá fengu stelpurnar frí á fótboltaæfingu.

Eftir vinnu þá kom ég bara heim og lærði í rólegheitunum, svo pöntuðum við mamma og pabbi okkur pizzu í kvöldmatinn og svo er ég bara búin að hafa það cosy heima...

Á morgun er náttfatadagur hjá okkur í leikskólanum, þá eiga börnin að koma í náttfötunum sínum í leikskólann og svo verður haldið náttfataball... verður örugglega ekki slæmt að mæta í náttfötum í vinnuna...
Á morgun fer Örn líka út á sjó svo ég verð einmanna næstu vikuna

Það er líka farið að styttast svo mikið í prófin. Ég er búin í prófum 6.desember svo öll próf eru búin þegar ég verð tvítug Vá hvað ég get ekki beðið, ætla að reyna allt til þess að halda almennilega upp á þetta!

Helgin verður líklegast bara róleg...Verð örugglega bara heima dugleg að læra.....

En núna nenni ég ekki að blogga meira í bili... hafiði það gott!

bloggedí blogg

Halló Halló

það er nú kominn frekar langur tími síðan ég bloggaði seinast, en svona verður þetta að vera þegar það er svona mikið að gera hjá mér.....

Ég er búin að sitja hérna heima í allan dag og læra og læra..... Er búin að vera að læra þýsku í allan dag og er búin að komast yfir alveg slatta af efni

Annars er helgin búin að vera alveg ótrúlega cosy eitthvað.... Við Örn erum búin að liggja heima í leti, spila og hafa það cosy....

Uppskeruhátíðin var um seinustu helgi og verð ég bara að segja að mér fanst hún heldur slöpp í ár.... Það var samt rosalega góður matur en hefði mátt vera einhver skemmtiatriði eða eitthvað svoleiðis! Ég ákvað að bjóða bróðir mínum með vegna þess að Örn var á bekkjarmóti hjá gamla bekknum hans frá Húnavallaskóla og var auðvitað bara gaman að fá hann með! Guðrún og Begga unnu verðlaunin hjá 2.flokk kvenna enda stóðu þær sig mjöög vel í sumar "TIL HAMINGJU MEÐ ÞETTA STELPUR MÍNAR og auðvitað líka Til hamingju strákar þið sem unnuð!"

Á meðan uppskeruhátíðin var þá laumaði ég mér smá yfir á Bæjarárshátíðina rétt á meðan samstarfskonurnar minar úr leikskólanum voru með atriðið sitt "Þetta var ekkert smá flott atriði hjá þeim enda ekki hægt að búast við neinu öðru frá þessum dúllum" !

Eftir uppskeruhátíðina hófst svo styrktarsjóðsballið! Ég skemmti mér geggjað vel þarna enda fullt af hressu og kátu fólki þarna 

Eftir ballið fór ég svo með Erni niðrí bústað þar sem gamli bekkurinn hans var með bekkjarmót og var ótrúlega gaman að hitta þauSvo var bara farið heima að sofa.......


Það er voðalega lítið búið að gerast hjá mér síðan ég bloggaði seinast..... Bara endalaus vinna og svo auðvitað reynt að læra eitthvað líka!

En núna ætla ég að hætta í bili  Hafiði það gott!!

Rvk ferð og fleira:)

Hellú Hellú

Jæja maður verður nú að koma með annað blogg fyrst maður fékk sig til að byrja að blogga....

Um helgina fór ég suður með mömmu og pabba og við gistum heima hjá Kristófer bróðir og Kristvin Mána en Elín var bara í verslunarferð í útlöndum Ástæðan fyrir því að við fórum suður var sú að Biggi frændi átti 30 ára afmæli og hélt upp á það í veislusal í valsheimilinu Það var rosalega gaman að sjá hann og alla þá sem maður þekkti og líka ekkert smá flott veisla!
 Ég gerði nú aðeins meira í bænum heldur en að fara í afmælið. Þegar við komum í bæinn snemma á laugardagsmorgni fór ég með Kristófer að horfa á Kristvin Mána á fótboltaæfingu. Hann var semsagt að byrja að æfa fótbolta með Leikni og gengur bara rosalega vel Ótrúlega gaman að fara og horfa á hann! Hlaupandi um í Arsenalbúningnum! Eftir æfinguna ákváðum við að fara saman í nýju leikfangabúðina sem var að opna þarna hjá Smáralindinni Toys "R" us eða hvað sem hún heitir. Og verð ég nú bara að segja að ég hef aldrei lent í annari eins geðveiki! Kristófer var búinn að lofa að fara með Kristvin Mána þangað og þegar við komum var biðröð... Það var nú frekar lítil biðröð þegar við komum meðað við það hvernig þetta var þegar við komumst út aftur! Ég get svo svarið það að mér hefur aldrei liðið eins illa að fara inn í búð áður. Ég vissi ekki að við íslendingar værum svona klikkaðir. Maður kom þarna inn með Kristvin þennan litla gutta og ég get svo svarið það að fólk var að missa sig þarna inni! Þarna tróðst fólkið reif dót niður úr öllum hillum og hlóð því upp í körfuna hjá sér hélt svo áfram og hugsaði ekkert um börnin í kringum sig heldur tróðust þau bara undir! Þetta var rosalegt. Þegar við vorum að bíða í biðröðinni eftir að geta borgað það sem við keyptum stóð maður og fylgdist með geðveikinni..... Þarna var aðstaða til að pakka inn pökkum, þar sá maður fólkið rúlla upp nokkrum rúllum af pappír og taka með sér heim, svo kom sjúkrabíll að húsinu og inn komu sjúkramenn og lögreglumenn því einhver hafði hrunið í gólfið, þarna var fólk með nokkrar fullar körfur af leikföngum og svo allt í einu kemur kelling með körfu keyrir utan í allt og alla og segir svo                    " fyrirgefiði ég er ekkert að troðast" Haha.... Ég hélt ég yrði ekki eldri! Mikið var ég fegin að sleppa þaðan út!

Eftir dótabúðina fórum við smá heim og fórum svo í dýrabúð.... Ég get svarið það að ég verð eins og versti geðsjúklingur þegar ég kemst inn í svona búðir! Mig langar alltaf svo til að kaupa mér dýr! hehe..... Þarna voru þessir litlu sætu kanínuungar sem mig langaði sjúklega í!

Sandra kom svo og hitti mig í dýrabúðinni og við fórum saman í Kringluna..... Eins og það er alltaf þegar maður er ekki með neinn pening þá er FULLT FULLT sem manni langar í! En mamma og pabbi redduðu því og´lánuðu mér fyrir pilsi, skyrtu, vesti, úlpu og bol "Takk fyrir það" og "Takk fyrir hittinginn Sandra mín"

En að öðru en reykjavíkurferðinni.....




Þessi dagur er búinn að vera frekar slappur eitthvað. Mér er búið að vera svo ill í maganum og með hausverk og bara eitthvað slöpp síðan ég vaknaði svo þetta hefði nú alveg geta verið skemmtilegri vinnudagur.

Annars styttist alltaf meira og meira í helgina.....  Ég ákvað semsagt að skella mér bara á uppskeruhátíðina en ekki á bæjarárshátíðina (langaði samt rosalega mikið að vera á báðum stöðum). Þetta á örugglega eftir að verða rosalega gaman! Veislumatur frá potturinn og pannan og svo styrktarsjóðsballið á eftir

En núna ætla ég að hætta og fara að læra! Hafiði það gott

Blogg fyrir mína YNDISLEGU sytir:*

Halló Halló Halló.....

Ég trúi varla að ég sé að gera þetta en þetta er aðalega fyrir mína ELSKULEGU systur sem er núna úti í Köben að læra með Dabba sínum Þeirra fyrsta barn er einmitt á leiðinni og get ég ekki BEÐIÐ eftir að þetta litla kríli komi í heiminn! "TIL HAMINGJU ELSKU RAGGA OG DABBI"

Það er svo ótrúlega margt búið að gerast í mínu lífi síðan ég bloggaði seinast! En eitt það merkilegasta er að Erla frænka og Óli Ben eru búin að eignast lítinn prins sem er alveg ENDALAUST SÆTUR "Velkominn í heiminn elsku litli frændi og til hamingju með krúttið elsku Erla og Óli"

En jáhh verður maður ekki að segja hvað maður er að gera þessa stundina!

Ég ákvað semsagt að vera heima í vetur vinna áfram í leikskólanum og taka fjarnám. Ég gerði mér ekki alveg grein fyrir því hvað það væri mikil vinna að vera í 18 einingum í fjarnámi og hélt því áfram að vinna 100% vinnu í leikskólanum og ekki nóg með það þá er ég farin að Þjálfa einn flokk í fótbolta og vinn svo eitt kvöld í viku í skjólinu Það er rosalega gaman en svolítið skrítið að vera allt í einu farin að þjálfa en alltaf gerir maður eitthvað nýtt! Ég er semsagt að þjálfa stelpurnar í 8.-10.bekk hérna á Blönduósi og það kom mér virkilega á óvart hvað þær eru margar! Vona bara að þær haldi allar áfram því þetta er nokkuð sterkt lið

Ég er líka rosalega ánægð í vinnunni enda með lítil  yndisleg kríli í kringum mig alla daga sem ég hef endalaust gaman af! "Þetta eru algjörir gullmolar" Svo er starfsfólkið líka frábært! Ég get svo svarið það ég hef aldrei unnið á vinnustað með svona góðum starfsanda!

Svo styttist í uppskeruhátíðina! Hún er 27. sem er einmitt sama dag og bæjarárshátíðin og fannst mér ömurlega erfitt að velja á milli..... En ég hugsa þetta bara þannig að ég verð með öllum á ballinu

En núna nenni ég ekki að hafa þetta lengra...... hendi inn bloggi aftur seinna!

Kveðja Sara

þá er kominn fimmtudagur....  Og allir orðnir svo gamlir og lúnir að engin nennir að gera neitt í kvöld.... Sandra er að fara norður svo ég verð örugglega bara ein heima að hafa það cosy....

Ég er að drepast úr svefnleysi.... er búin að vaka og vaka á nóttunni til að vinna einhverjar skýrslur og reyna að koma öllu frá mér svona í lokin En þetta fer að verða búið......

Svo fer maður bara norður á morgun